புளுட்டோ கிரகத்தை கடந்து வரலாற்று முக்கியத்துவம் மிக்க பயணத்தை மேற்கொண்ட நியூ ஹொரிஸன் விண்கலம், அந்த சாதனைச் செயற்கிரமத்திற்கு பின்னரான தனது முதலாவது தொடர்பாடலை பூமியுடன் மேற்கொண்டுள்ளது.
அந்த விண்கலம் பனிப்பாறையாலான புளுட்டோவை மணிக்கு 31,000 மைல் வேகத்தில் கடந்து சென்றுள்ளது.
இந்நிலையில் அந்த விண்கலத்திடமிருந்தான முதலாவது தொடர்பாடல் சமிக்ஞை நாசாவின் தொடர்பாடல் வலையமைப்பின் அங்கமாகவுள்ள ஸ்பெயினின் மட்றித் நகரிலுள்ள பாரிய சமிக்ஞை வாங்கித் தட்டினூடாக பெறப்பட்டுள்ளது.
அந்த சமிக்ஞை செய்தியானது 4 மணித்தியாலங்கள், 25 நிமிட பயணத்தை மேற்கொண்டு 4.7 பில்லியன் கிலோமீற்றர் தூரத்தைக் கடந்து பூமியை வந்தடைந்துள்ளது.
அமெரிக்க மேரிலாண்டிலுள்ள ஆய்வுகூடத்தில் அந்த விண்கலத்திலிருந்து வரும் சமிக்ஞையை பெறுவதற்காக பெரும் எதிர்பார்ப்புடன் காத்திருந்த விஞ்ஞானிகள் சமிக்ஞை கிடைக்கப் பெற்றதும் மகிழ்ச்சி ஆரவாரம் செய்துள்ளனர்.
Subscribe to:
Post Comments (Atom)
Post a Comment Blogger Facebook